YFIRLIT

LÝSING

Sveinn Gíslason lögmaður/löggiltur fasteignasali og RE/MAX kynna bjarta, vel skipulagða  og nokkuð endurnýjaða 133,4 fm íbúð á 1. hæð með stæði í bílageymslu að Norðurbakka 15 í Hafnarfirði. Eignin er á afar eftirsóttum stað við sjóinn í fallegu húsi byggðu árið 2008. Stutt í miðbæ Hafnarfjarðar og fallegar gönguleiðir allt um kring. Eignin skiptist í mjög fallegt alrými með eldhúsi, borðstofu og stofu beint inn af anddyri. Svefnherbergjagangur með þvottahúsi og baðherbergi, tveimur barnaherbergjum og hjónaherbergi með fataherbergi inn af. Núverandi eigendur bættu við þriðja herberginu og mögulegt væri að taka það niður til að stækka stofu. Gólfhiti er í öllum rýmum og gólfsíðir gluggar. Aukin lofthæð (2,7m) er í íbúðinni og hurðir í yfirhæð.

Nánari lýsing eignar:
Öll rými eignarinnar eru með nýlegu viðarparketi frá Álfaborg (2018) sem flýtur á milli rýma fyrir utan votrými en þar eru upprunalegar flísar. 
Forstofan er með góðum skápum.
Eldhúsið var endurnýjað að hluta 2018 þar sem eyjan var endurnýjuð. Fallegur granítsteinn frá Steinsmiðjunni REIN var settur á bæði eyju og eldhúsbekk. Undirlímdur vaskur og blöndunartæki endurnýjuð. Loftið var tekið niður að hluta með innfelldri lýsingu og nýjum eldhúsháfi. Eikarinnréttingin er frá HTH og er upprunaleg en með nýjum höldum. Gert er ráð fyrir amerískum ísskáp í innréttingu og tengi er fyrir uppþvottavél. Nýlegur bakaraofn frá Electrolux í vinnuhæð. Útgengt er frá eldhúsi út á 18,1fm hellulagða suðurverönd með glerhandriði. 
Stofan er rúmgóð og björt. Gólfsíður horngluggi sem setur skemmtilegan svip á rýmið. 
Frá stofu og borðstofu er gengið inn á svefnherbergjagang með þremur svefnherbergjum, þvottahúsi og baðherbergi. 
Svefnherbergin eru öll rúmgóð með sama parketi á gólfi og finna má í öðrum rýmum. Barnaherbergin eru með lausum fataskápum sem fylgja en hjónaherbergið er með fataherbergi inn af með rennihurð. Útgengt er út á suðursvalir frá hjónaherbergi. 
Baðherbergið er afar rúmgott með dökkum flísum á gólfi og ljósum á veggjum. Baðkar og "walk in" sturta ásamt viðarinnréttingu með speglaskáp fyrir ofan. Hvítur upphengdur skápur. 
Þvottahúsið er með flísum á gólfi, skáp og skolvaski. Þar er aðgengi að hitastýringu fyrir gólf og rafmagnstöflu íbúðar. 
Í sameign er 10,6fm sér geymsla þar sem hátt er til lofts. Jafnframt er hjólageymsla í sameign. Eigninni fylgir stæði í bílageymslu og finna má þvottaaðstöðu fyrir bílinn á vegum húsfélagsins í bílageymslunni. Púttvöllur með gervigrasi er í garði sameignar.

Skoðaðu eignina í 3D hér

Um er að ræða afar fallega eign á besta stað í Hafnarfirði í nýlegu klæddu húsi sem kallar á minna viðhald. Tilvalin eign fyrir þá sem langar að búa nálægt allri helstu þjónustu og alls þess sem miðbær Hafnarfjarðar hefur upp á bjóða. 

Allar upplýsingar veitir Sveinn Gíslason lögmaður/löggiltur fasteignasali [email protected] sími 859-5559.
Remax fasteignasala sími 477-7777. www.remax.is
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila. (0.4% við fyrstu kaup einstaklinga).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar - skv. gjaldskrá lánastofnunar
4. Umsýsluþóknun til fasteignasölu, sbr.kauptilboð.